Matsa naging tindahan it mga mobile phones ro sambilog ka parte it Cebu City Jail matapos makakumpiska ro mga otoridad it masobra 450 ka mga cellphones sa suoed mismo it nasambitan nga presuhan.
Narekober it mga kapulisan ro 236 nga mga touchscreen cellphones ag 217 keypad cellphone sa ginhiwat nga greyhound operation.
Kasunod kara, mas ginpabaskog pa it Cebu City Jail ro andang seguridad agud malikawan ro pagsuoed it bisan ano nga mga kontrabando kapareho eun eamang it cellphone ag mobile phones./JIL B. LACSON
