KASONG pagpatay ang ipasaka sa kapulisan sa piskalya karong adlawa kalabut sa ‘Quintoy killing’.
Matud ni PCapt. Abdulsalam Mamalinta Jr., hepe sa San Isidro Police Station naghatag na og pamahayag ang minor de edad nga testigo.
Asa gibutyag sa niini nga nakita niya ang pagpamusil ni Ralph Sorabia, 27-anyos atong Biyernes sa hapon. Kang Yentez Quintoy, director ug chief of staff sa Brigada Group of Companies nga nagmaneho sa iyang sakyanan atong panahona.
Gawas niini, nakita nila ang mensahe sa cellphone ni Quintoy mahitungod kang Sorabia. Tungod naa na sa kostudiya nila karon si Sorabia human mitahan sa kaugalingon gikonsidera na nila ang kaso nga ‘case solved’.
Samtang giangkon sa opisyal nga wala sa ilang kamot ang .45 kalibre nga pusil nga gigamit sumala pa ni Sorabia sa pagpamusil.
Sa karon gihulat nila ang resulta sa ‘paraffin test’ kang Sorabia samtang gipangeta pa ang kauban niini nga nagmaneho sa motorsiklo.
“Sinabi kung (case) solved nap o kasi yung suspek natin na sa police station na, yung firearms not yet recovered po.” Personal nga bangi tali ni Quintoy ug Sorabia ang gitudlong motibo sa krimen human ang planong pagpahawa kang Sorabia sa kompanya ug sa boardinghouse nga gipuy-an niini nga gipanag-iyahan ni Quintoy.
Gipasalamatan usab ni Elmer V. Catulpos, President CEO sa Brigada ang kapulisan sa gilayong pag-aksyon sa maong krimen. Una nang, nagtanyag og P1 milyon nga reward si Catulpos alang sa makahatag og lig-on nga impormasyon kalabut sa krimen. ( Richel Gubalani)
