DEAD on arrival sa tambalanan ang usa ka priso sa Lanton Jail human nga naglisod sa pagginhawa gumikan sa COVID-19.
Subay sa talaan sa Lagao Police Station nagpatala si Jail Officer 1 Francis Cabasag Mamak nga alas kwatro sa hapon Hunyo 5, may usa ka person deprived of liberty nga ilang gidala sa Dr. Jorge P Royeca Hospital gumikan naglisod sa pagginhawa sa pamasin nga kini matabang.
Apan pag-abot sa tambalanan wala na nagalihok ang priso nawala na ang panimuot ug si Dr. Suficiencia nga naghiling sa priso nagdeklara nga dead on arrival ang pasyente.
Usa sa gitudlong hinungdan sa kamatayon sa usa ka lalaking priso mao ang pagpositibo niini sa COVID-19 ug nagresulta sa paglisod sa pagginhawa.
Kahibaluan nga ubay-ubay ang mga priso nga nasuta nga positibo sa COVID-19 human sa contact tracing kay may gi-commit nga natakdan usab sa virus. (Ever Diazon)
