Hugot nga gipatuman sa Cagayan de Oro City Police Office ang gun-ban sa nagpadayon nga pagduso sa mga kandidato sa ilang tagsa-tagsa ka mga Certificate of Candidacy ingon man ang Certificate of Nomination and Acceptance, nga gisugdan niadtong alas 12 sa tungang gabii sa Setyembre 30 hangtod sa alas 7 sa buntag sa Oktubre 9 ning tuiga.
Una nang gibutyag ni Cagayan de Oro City Police Director Police Colonel Aaron Mandia nga basi sa gipagawas nga memorandum kalabot sa Suspension sa Permit to Carry Firearms Outside Residence atol sa COC filing ug CONA, ang mga miyembro lamang sa Philippine National Police ug Armed Forces of the Philippines ug laing Law Enforcement Agencies nga mihimo sa ilang official duties ug ang mga agency-prescribed uniforms, gitugutan sa pagdala sa armas.
Katuyuan niini nga masiguro nga luwas ang mga nahisgutan nga aktibidad gikan sa mga fire-armed related incidents.
Dugang pa sa nahisgutan nga opisyal nga maong direktiba nahiuyon sa konsepto sa Managing Police Operations kaabag ang koordinasyon sa AFP, uban pang Law Enforcement Agencies ug Local Government Units. -END-
