Gisugyot sa usa ka Konsehal ngadto sa Konseho nga subli nang ablihan ang mga sports facilities ning siyudad sa Cagayan de Oro, susama sa Sports Center, Gym ug mga massage clinic.
Pamahayag ni Konsehal Edgar Cabanlas nga panahon na aron mahibalik ang pampa-ugnat sa kusog nga mga aktibidad taliwala ning adunay bahad sa pandemya aron maka tabang sa pagpawala sa stress sa mga katawhan ning dakbayan.
Dugang ni Konsehal Cabanlas nga ipatuman kini sa hugot nga pagsunod sa mga safety health protocols standards.
Gisugyot usab sa Konsehal nga ang mga fully vaccinated lang nga masahista ug magpamasahi togotan sa pag operate sa mga massage clinic.
Samtang gi-endorso kini nga suhestyon sa komitiba sa Health ni Konsehal Maria Lourdes Gaane alang sa dugang pagtoon ug rekomendasyon.
