Dalawang bayan sa Lalawigan ng Sorsogon ang minomonitor ngayon ng Department of the Interior and Local Government o DILG Sorsogon upang paigtingin ang kanilang Local Council for the Protection of Children o LCPC na isa sa mga kategorya ng Seal of Good Financial Housekeeping.
Ang mga nasabing bayan ay ang mga Bayan ng Gubat na nakakuha ng 78.03% at Matnog na nakakuha naman ng 77.26% rating sa pagpapaigting ng kapakanan ng mga kabataan sa kanilang nasasakupan.
Sa sakop ng LCPC, nakakuha ng 15.43% ang Bayan ng Gubat sa Organizational Sustainability, 21% sa Policies and Plans for Children, 16% rating sa paglalaan ng pundo para sa kapakana ng mga kabataan at 25% para sa Service Delivery Monitoring and Management for Children.
Nakakuha naman ng 10.86% ang Bayan ng Matnog sa Organizational Sustainability, 20.40% sa Policies and Plans for Children, 16% rating sa paglalaan ng pundo para sa LCPC, at 30% para sa Service Delivery Monitoring and Management for Children.
Ayon sa DILG, magandang indikasyon umano ang rating ngayong 2023 dahil mas mataas ito kumpara noong 2022 na nakakuha lamang 69.65% ang Bayan ng Gubat at 59.22% ang Bayan ng Matnog.
Sa 16 na LGUs kasaman ang Provincial at City Government, ang mga nasabing bayan lamang ang mababa sa 80% rating.
