Hindi na tumuloy sa España Avenue ang Grupong Manibela kung saan nandoon ang ilang mga kasamahang grupo na nagkasa ng tigil-pasada.
Ayon kay Manibela Chair Mar Valbuena, nagkaisa silang magpalipas na lamang ng magdamag at mag-vigil sa Mabuhay, Rotonda.
Patuloy pa ring nakabantay ang Manila Police District (MPD) para sa latag ng seguridad habang nagpo-programa ang naturang grupo.
Nabatid na ngayon ang ikalawang araw ng transport strike ng ilang transport groups bilang pagtutol sa Public Utility Vehicle Modernization Program (PUVMP).