Nanawagan ang 1Sambayan coalition kay Pangulong Bongbong Marcos na kanselahin ang lahat ng mga POGO na nagke-cater sa Chinese market.
Sa isang open letter para sa Pangulo, binigyang-diin ng 1Sambayan na idineklara ng Chinese Embassy sa Maynila na sa ilalim ng Chinese law, ang anumang uri ng gambling ay ilegal.
Umapela na rin umano ang Embahada ng China sa pamahalaan na i-ban lahat ng POGO na nagke-cater sa Chinese market.
Nakasaad sa sulat na ang paggarantiya ng lisensya sa mga Chinese POGO ay lumalabag mismo sa sariling regulasyon ng PAGCOR.
Sinasabi rin dito na responsibilidad ng lisensee na tiyakin na ang ano mang laro na naka-base sa anumang jurisdiction ay targeted ‘in full compliance with the laws of that jurisdiction.’
