LEGAZPI CITY – Isinagibo kan GroundBreaking Ceremony kan pinaka-enot na Women and Child Care Specialty Center sa nasyon, kun sain naisagibo ini sa Bicol Hospital Regional and Medical Center (BHRMC) sa syudad nin Legazpi.
Maabot sa P300M an inisyal na pondo para phase 1 kan 10 Storey Center, asin saro ini subuot ini sa prayoridad ni Presidente Ferdinand Bongbong Marcos Jr., kun sain mawot kaining na mabugtakan nin upgraded na ospital an kada probinsya nganing mabawasan an pasyenteng pigdadara sa metro manila asin dae na kaipohan pagdarahon ini sa hararayong lugar.
Segun man kay Medical center Chief, Dr Eric Raborar, an ospital subuot na ititindog, para man sa obstetrics o obstetrician (OB) asin pediatric patient, kun sain target na tapuson an proyekto bago magtapos an termino ni Presidente Marcos.
Sinabi man ni BRHMC Chief of Medical Professional Staff, Dr Alma Bella Rivera na dakulang tabang subuot an nasambit na proyekto, huli ta sa kada taon subuoy, saro sa pinakadakol na naadmit sa saindang ospital iyo an mga OB patients kun sain nagkakaigwa subuot sinda nin duwang pasyente sa kada sarong igdaan.
