GIAWHAG sa Department of Education (DepEd) sa GenSan ang mga school heads ug magtutudlo nga himoong simple ang graduation ceremonies.
Matud ni Isagani Dela Cruz, Schools Division Superintendent sa Dep-Ed GenSan partikular ang pampublikong tulunghaan, angayang likayan ang pagpabongga sa seremonya ug selebrasyon. Bisan paman misugot ang mga ginikanan ug faculty nga himoong bongga ang programa.
Dugang ni Dela Cruz, angayang mosunod ang school administrators sa DepEd rules ug policies, ug mosunod sa mandu sa labaw sa ahensiya. Giawhag niini ang tanan nga mahimong simple bisan paman kini ang nagmarka sa milestone sa mga magtutungha.
Angayang usab nga lambigit sa pagplano sa himoong seremonya ug kinahanglan nasayod ang ginikanan nga dili obligahon ang anak sa “Non-academic” projects sama sa field trips, film showing, Junior-Senior promenade, ug uban pang school events isip rekisitos alang sa graduation o completion. I Richel Gubalani
