HANDOM na sa mga traysikel drayber sa GenSan nga makaangkon na og prangkisa. Aron sila ang makapasahero na og sakto nga dili dakpon tungod sila ang gikonsiderang kolurom o dili legal ang pagpasahero sa GenSan.
Matud ni Jellan Baldelovar, traysikel drayber taga Barangay Bawing, GenSan dugay na siyang nanghandom og prangkisa. Apan hangtud karon wala pa sila nahatagan sa LGU sa gikahinamang prangkisa. Susama usab ang hamdom ni Samdam Macapando, traysikel drayber ug taga Barangay Bula, aron usab dili sila madalahig ugaling dunay drayber sa kolurom nga traysikel nga nalambigit sa krimen.
Sa gikataho nga kaso sa sexual abuses sa pipila ka estudyante asa ang gitudlong mihimo mao ang traysikel drayber nga kolurom ang traysikel. Sa bahin sa kapulisan, gibutyag ni PLt.Clarizel Perez, labaw sa Women’s and Children Protection Desk (WCPD) sa GenSan City Police Office (GSCPO).
Angayang matubag na sa LGU ang problema sa prangkisa sa mga traysikel drayber aron usab makatabang kini sa pagresolba krimen. Sama sa gitudlong nambiktima og mga estudyante nga drayber nga naglisod sila sa pag-ila tungod wala kini prangkisa.
Sa bahin ni Konsehal Lourdes Casabuena, angayang mahimong miyembro sa kooperatiba o TODA ang mga traysikel sa GenSan. Aron malikayan ang susamang insidente nga gikalambigitan sa traysikel drayber. I Richel Gubalani
