Iginiit ng Palasyo na on top of the situation ang gobyerno sa gitna ng napaulat na pagtaas sa mga kaso ng COVID-19 sa ibang mga rehiyon.
Ayon kay Presidential Spokesperson Harry Roque, nasa Puerto Princesa City, Palawan ang pandemic task force para mag-assess sa kanilang COVID-19 response needs, bilang isa sa mga hakbang ng pamahalaan.
Dagdag ni Roque, dinagdagan narin umano ni vaccine czar Carlito Galvez Jr. ang naturang lungsod ng mas maraming antigen test kits.
Una nito, hiniling ng mga opisyal mula sa mga lungsod ng Cagayan de Oro sa Misamis Oriental at Puerto Princesa ang mas maraming vaccine doses mula sa national government, dahil sa tumataas na COVID-19 infections.
Ang naturang mga lungsod, kabilang na ang Bacolod sa Negros Occidental, ay tinukoy bilang “areas of concern” ng OCTA Research Group. // MHEL PACIA
