CAMARINES NORTE – Walang naitalang firecracker related injury ang mga pampublikong ospital sa lalawigan ng Camarines Norte sa unang araw ng monitoring.
Ayon sa Camarines Norte Provincial Hospital as of 5, am ng December 21, zero case ito sa firecracker related incident gayundin sa Labo District Hospital as of 6 am.
Wala ring naitatalang biktima ng paputok sa Capalonga Medicare and Community Hospital sa maga panahong ito.
Una nang nagpaalala si Provincial Health Officer Dr. Arnel Francisco sa mga Cam Norteno na huwag nang magpaputok sa pagdiriwang ng pasko at bagong taon upang iwas disgrasya.
Aniya delikado ang kahit anong klase ng paputok lalo na kung wala namang kaalaman sa paggamit nito.
Maliban sa mga bata na maaaring mabiktima ng paputok may mga insidente rin daw nang pagka disgrasya sa paputok nang dahil sa kalasingan.
Dati na ring umapela si Francisco sa mga Barangay na maging proactive at tumulong sa PHO sa iwas paputok campaign.
