Nakasinati og kusog nga ulan ang Munisipyo sa Glan, Sarangani Province Hulyo 12 nga miresulta sa pagtaas sa tubig-baha.
Base sa post sa social media, Hulyo 12 sa hapon makita ang pagtaas sa tubig-baha sa public terminal ingon man sa atbang sa eskwelahan sa highway apan maagihan gihapon sa mga sakyanan, wala usab makita nga damyos sa gisapubliko nga hulagway.
Sa bahin sa Provincial Disaster Risk Reduction and Management Office (PDRRMO) Sarangani pinaagi kay Rene Punzalan, wala silay na monitor nga dakung pagbaha sa area sa Glan, hinuon may kusog nga ulan nga mi resulta sa pagtaas sa tubig-baha sa Poblacion ug sa ubang Barangay.
Gidugang ni Punzalan nga walay natalang damyos sa mao nga pag-ulan.
Sa karun ila pang i-monitor sa mga kabukiran nga bahin kon adunay natalang damyos.
(Hulagway gikan sa facebook post ni Queensushi)
