-Reymund Titong
KABANKALAN CITY, Negros Occidental — Naka-handa na ang ginatos nga mga kunsomidores sang Negros Occidental Electric Cooperative (NOCECO) sa banwa sang Hinigaran, agud magpatigayon sang “prayer rally” bilang pagpakita sang ila pagpamatok sa pagtaas sang kuryente.
Sa interview sang Brigada News FM-Kabankalan kay Irene Viason, isa sa mga konsumidores sang nasambit nga kooperatiba, ang prayer rally ang pagapatigayonon sa maabot nga Sabado, Hunyo 1, las-3 sang hapon sa Hinigaran Public Market, agud ipa-utwas ang ila mga kabudlayan nga gina-atubang bangud sang pagtaas sa presyo sang kuryente kag kapabayaan sang kooperatiba nga proteksyonan ang mga konsumidores.
Dugang pa ni Viason, nga dapat mag dihon ang nagadumala sa karun sang NOCECO sang mga tikang nga mapa-dasig sang pag aproba sang power agreement contract sa Kepco Selcon, agud ma-stabilize sang presyo sang kuryente.
Sa impormasyon nga nakuha sang sini nga waragwagan, maga-upod man sa nasambit nga pagtililipon ang mismo alkalde sang banwa nga si Nadie Arceo.*
