SORSOGON CITY – Patay ang isang 22-anyos na limang buwan na buntis habang sugatan ang ina nito matapos silang pagtatagain ng live-in partner ng kanyang ina sa Brgy Puro, Aroroy, Masbate.
‘Dead on the spot’ si Reyna Tugbo habang naitakbo sa ospital si Lorena Tugbo, 42-anyos.
Kinilala ang suspek na si Ariel Atayde Gutlay, gold panner at tubong Sitio Matungaw, Brgy Cabangcalan ng nasabing bayan.
Sa pahayag sa Brigada News ng Aroroy Police, umuwi umano ang suspek na nakainom at nagkaroon ng mainit na pagtatalo ang maglive-in partner na nauwi sa pananaga.
Patuloy ang pagtugis ng tracker team kay Gutlay at ayon sa pinakahuli nilang impromasyon, hindi pa umano nakakalabas ng bayan ang nasabing suspek.
