Nakita it sangka 15 anyos nga dalagita ru gina patihan nga aswang sa kulungan it manok maeapit sa andang panimaeay sa Sitio Libtong Brgy. Estancia, Kalibo, Aklan.
Nagreport sa Kalibo MPS ru ama it biktima nga si Mr. Pedro Fernandez, 47 anyos, abo sigun ru nakakita sa gina sugid nga aswang rason nga nagdangup sa PNP Station para ma alerto ru publiko.
Suno kana, uwa imaw naga pati sa aswang apang sa testimonya it anang unga hay makapaeati dahil sa bukon eamang it anang unga ru gina pakitaan kundi abo pa nga iba.
Sa interview it BRIGADA News FM Kalibo sa biktima nga sangka 15 anyos nga babaye, nag-uli imaw bandang alas 12:30 gabie halin sa baeay it tiya.
Bangud sa sarado ru pwertahan sa prente, naglibot ru biktima sa kusina ag ikato na nakita nga may tawo nga naga siga ag mapuea ru mata nga matsa may kaugot sa biktima.
Samtang, may nakakita man it mabahoe nga ayam ru manghod it biktima sa lugar.
Nasayuran pa sa ama it biktima nga bago pa man ru insidente hay may gin dumog man nga binatilyo ru gina patihan nga aswang. //MARIVIC Y. ILIN
