LEGAZPI CITY – Kapot na ngunyan kan mga otoridad an sarong construction worker na may patung-patong na kaso nin panlulugos sa Brgy. Pantao, Libon, Albay.
Binisto an suspetsado na si alyas “Nono”, 36 anyos, residente kan nasambit na lugar.
Basado sa report, naarestar an suspetsado sa kusog kan mandahamiento de arresto na pirmado kan Hulyo 7 kaining taon para sa mga kasong qualified rape; rape by sexual assault na parehong warang piyansa; asin acts of lasciviousness na may kinaraman sa Section 5-B kan Akta Republika Numerado 7610 o child abuse na may piyansang maabot sa PHP200,000 para sa saiyang temporamenteng libertad.
Sa ngunyan, nasa kustodiya na kan pulisya an suspetsado para sa magkakanigong disposisyon.
