NAGPAHIMANGNO ang Department of Social Welfare and Development (DSWD) 12 kalabut sa mikatag nga gikaengong nanghatag sila og New Year’s gift.
Makikita sa post nga gikaengong nanghatag ang ahensya og P7, 000 sa maswerteng winner kung matubag ang survey. Apan sumala kang DSWD-12 Regional Director Loreto Cabaya Jr., usa kini ka klase sa pagpanglimbong asa una kining ginapa-take down sa Department of Information and Communications Technology (DICT).
Gibutyag niini nga nareport na kanila atong Oktubre ang maong modus nga pagpanghatag og scholarship o ayuda sa mga nahimong biktima.
Dugang niini, liboan ug minilyong kantidad ang ihatag nilang tabang sa mga katawhan nga apekto pinaagi sa ilang programa. Apela ni Cabaya sa publiko nga dili tuohan o iclick ang gikadudahang link aron dili ma-hack ang ilang account.
Mahimoang moadto sa ilang official Facebook page sa DSWD-12 alang sa mga updates ug mga impormasyon sa ahensya. I Richel Gubalani
