NAKABAYAD og multa ang usa ka lalaki nga gialegar nga nitaya sa tari-tari sa Purok Acacia, Poblacion Alabel, Sarangani province human nadakpan sa kapulisan.
Subay sa talaan sa Alabel PNP na aktuhan sa nagapatrolya nga kapulisan ang tari-tari ug gironda sa mga pulis ang lugar pasado alas 2 sa hapon.
Nagresulta kini sa pagkasikop sa usa ka lalaki nga si alyas Rene, samtang naka iskapo ang laing lima ka mga nanabong, nakuha usab sa pulis ang usa ka manok nga patay na unya ang laing usa nga samaron, nakuha usab ang kwarta nga gidudahang pusta.
Gumikan niini nakasuhan si alyas Rene apan daling nakabayad sa multa nga usa ka libo ngadto sa korte isip unang salaud. I Ver Diazon
