GINAANDAM na matud pa karon sa Gensan Water District ang mga gipangayo nga mga data sa LGU-GenSan ngadto kanila.
Kini segun kang Francisco Alolod, Commercial Department sa GenSan Water District luyo nga sukad karon pa lang sila gipangayuan niini, luyo nga usa ka government controlled corporation ug ubos sila sa pagdumala sa Local Water Utilities Administration kun LWUA.
Gidugang ni Alolod, ginaila nila ang katungod sa LGU ug ni Mayor Lorelie Pacquiao mao nga ihatag ang tanang gipangayo, asa lakip dinhi ang employee plantilla ug financial statement.
Ang financial statement matud pa sa GenSan Water District ang posted sa ilang website sukad pa niadtong 2014 subay usab sa balaod.
Lakip gipangayo ang monthly data sheet o MDS asa mao usab ang gina-submit nila sa LWUA.
Sa MDS matud pa nalatid ang ilang operasyon, ihap sa mga ginasuplayan og tubig, volume sa suplay, gastos ug uban pa.
Segun ni Alolod nga tumong sa pagpangayo sa LGU sa maong mga dokumento ang katuyoan sa syudad nga mahimong world class city ug sa posibleng suporta nga mahatag.
