ANG LGU-GenSan pinaagi sa City Veterinary Office na ang mo-anunsyo sa resulta sa mga blood sampling nga gikuha gikan sa mga baboy nga sulod sa 500 meters radius gikan sa index case sa ASF ug sa nasulod sa 7 hangtud 10 kilometers.
Kini ang gibutyag ni Dr. Jennifer Bulawan, ASF focal person sa DA region-12 ug labaw sa integrated laboratory division nga incharge sa pagsuta sa mga blood samples.
Giklaro niini, dili lang ang mga blood samples nga gikan sa GenSan apan sa ubang parte sa Mindanao ang apil nga ilang ginadawat ug ginaproseso.
Sa kaso sa Gensan, ang mga blood sample nga gikuha sa mga barangay sama sa Katangawan, Baluan, Buayan, Ligaya ug Conel ang ginaproseso ug ihatag ang ilang findings ngadto sa LGU nga mao nay moanunsyo.
Sa bahin sa Brgy.Conel, gikumpirma niini nga partial result pa ang migawas ug nagnegatibo sa ASF.
Sa kasamtangan padayun ang gihimong surveillance sa ilang mga personahe ug ang pag-test sa blood samples gamit ang RT-PCR anaa matud pa sa 3 o 5 days bag-o masayran.
