WALA pa’y taho nga nadawat ang Department of Health (DOH) 12 kalabut sa gikaengong pagsulod sa Omicron variant sa GenSan.
Matud ni Dr. Arestides Concepcion Tan, regional director DOH-12 wala pa silay nadawat nga taho kalabut niini.
Sa mensaheng gipadala sa mayor sa siyudad, wala pa usab silay nadawat nga kumpirmasyon sa gikaengong pagsulod sa Omicron variant sa siyudad.
Kahibaloan nga mikatag ang impormasyon nga dunay pipila ka kaso sa variant nga rason sa pagkatala og taas nga kaso sa Covid-19.
Sa pamahayag usab ni Dr. Fidel Peñamante, Presidente sa local chapter sa Philippine Medical Association (PMA) nakita nila paspas nga pasaka sa virus sa dakbayan.
Sa rekord sa DOH atong Enero 13 nakatala ang GenSan og 4.94% average daily attack rate (ADAR) sa matag 100 ka populasyon.
Luyo niini, giawhag ni Dr. Tan ang publiko nga magbinantayon tungod natala na ang kaso sa variant sa kasigbit nga rehiyon. I Richel Gubalani
