PABILING blangko ang kapulisan kalabut sa gikahimutangan sa walo ka indibidwal nga na-missing o nawala gikan atong unang semana sa Abril. Sa pag-tubag ni PLt. Col. Ruelito Lumiguid, Chief Operation Division sa GenSan City Police Office (GSCPO) sa sesyon Martes sa buntag.
Agosto ning tuiga dihang gimugna nila ang task force nga motutuk sa kaso ug naka-kolekta na sila og 16 ka affidavit gikan sa pamilya ug posibleng testigo nga hinungdan sa pagkamugna nila sa ‘facial composite’ sa tawo nga posibleng sa posibeng mitanggag. Kang Patrick Peconcillo, 17-anyos, taga Barangay Katangawan nga ulahing nakita atong Abril 30.
Giberipika usab sa task force ang matag impormasyon nga naabot kanila sama sa taho nga nakita ang pipila ka missing sa Bukidnon. Sa bahin ni Bianca, anak ni Armando Grajo, 46-anyos, sentinsyador sa sabuntgan ug taga Barangay San Isidro.
Luyo sa pipila ka bulan na nga pagkawala sa amahan niya, positibo sila nga buhi pa kini ug naglaom nga mouli kanila nga buhi. Tungod sa mananag-an nga giadtoan nila sagad gisulti kanila nakigtaban lang sumala pa ang iyang amahan.
Si Grajo ang nananghid lang nga mopalit og sud-an apan sukad atong panahon wala na kini kabalik. Gawas kang Peconcillo ug Grajo, nagpabiling missing silang Ralph Jovani Soriano, 16, Angel Gahiton, 14 ug Emmanuel James Galon, nga taga Barangay Katangawan. Lakip sa padayong nawala si Joseph Formentera Guanzon, 18, Jefferson Garay Quita, 16; John Mark Obeda Impang, 19. (Richel Gubalani)
