ANDAM na angComelec GenSan sa pagdawat og mga aplikasyon sa mga mokandidato alang sa 2022 elections human makig-alayun na sa kapulisan ug health authorities.
Segun kang Atty.Sittie Shairmaine Papandayan- Garangan, City Comelec Officer nga sa Oktubre 1 hangtud 8 ang filing sa Certificate of Candidacy kun CoC alang sa nga mopapili sa May 9, 2022 elections.
Sa pag-file, gitugutan lang ang kandidato nga modala og maximum nga duha ka escort nga makasulod sa ilang opisina.
Sa gate pa lang, aduna nay kapulisan ug taga barangay aron mokontrola sa crowd ug mapatuman ang mga health protocols.
Ginaawhag usab ang mga kandidato nga magdala og passport size nga litrato aron ibutang sa ilang CoC ug documentary stamp ug sa matag kopya sa CoC adunay nakabutang nga kopya usab sa Certificate of Nomination and Acceptance kun CONA.
