LIMITADO lang ang ikaduhang hugna sa Libreng Ssakay sa mga modern jeepneys alang sa mga health workers samtang dili pa tanang transport coop ang nakaduso sa ilang kontrata sa Land Transportation Franchising and Regulatory Board kun LTFRB.
Sa kumpermasyon sa pangulo sa Public Transport Alliance of Gensan kon PTAG nga si Robert Cang nagsugod na ang second phase kaniadtong Septembre 21 apan limitado lamang ang rota alang sa mga modenong sakyanan ug nakatuod na ang mga hospital workers kon asa sila mosakay nga rota.
Gidugang ni Cang nga dili na tulo ka bulan ang second phase kondili 48 ka adlaw na lang, samtang anaa lang sa kapin upat ka libo ang bayad sa upat ka roundtrip matag sakyanan.
Sa karon 72 ka unit sa Ladotransco ang nagadagan na sa ilang mga rota alang sa mga hospital workers.
Samtang sa bahin sa Raja Buayan Transport Cooperative sumala sa ilang pangulo nga si Larry Velligas kaniadtong adlaw nga Biyernes lang ilaha na nga naduso sa LTFRB ang ilang kontrata ug ubang papelis aron nga maka- apil usab sila sa ikaduhang hugna sa Libreng Sakay.
Apan nagapadayon ang pagkomento ni Villegas kalabot sa bayad nga ilang ginapaabot sa unang hugna sa ilang serbisyo kay wala pa gayod sila nakadawat og payout, naulaw usab daw siya sa iyang mga sakop nga nagsakripisyo sa pagpamasada bisan nadugay gayod ang bayad gikan sa gobyerno,mao nga naga panghinaut siya nga madawat na kini sa iyang mga sakop. ( Ever Diazon)
