NALABWAN na sa GenSan ang natala nga positivity rate sa national nga datus sa Covid-19. Human nakatala ang siyudad og naa sa 16.78% nga positivity rate atong Dominggo itandi sa 13.9% nga narekord sa national.
Kini ang porsyento sa mga tawo nga nasutang positibo sa nasangpit nga virus. Sa taho ni Dr. Karl Floreda, usa sa infectious disease specialist ug tigpamaba sa Local- Inter Agency Task Force on Covid-19 anaa na sa 89% ang hospital occupancy alang sa positive Covid-19 patient samtang ang ihap sa severe ug moderate case sa siyudad.
Gikaingon nga naa sa critical levels ang ICU samtang hurot na ang mechanical ventilators nga ginamit aron makaginhawa ang pasyente. Sa datus nga gihuptan nila naa na sa ‘households’ o nagbalay- balay na ang infections. Ang datus ang rason sa pagdesisyon sa LGU sa pagpatuman og mas hugot nga public health ug safety regulations. ( Richel Gubalani)
