NADAWAT na sa LGU- GenSan ang 15,000 doses sa bakuna kontra Covid-19 gikan sa national government. Kini ang gilangkuban sa 10,000 doses sa Sinovac vaccine samtang naa sa 5,000 doses sa single shot Johnson and Johnson (J&J) vaccine.
Matud ni Dr. Agripino Dacera, labaw sa City Disaster Risk Reduction Management Council (CDRRMC) ang nadawat nilang bakuna. Ang alang sa mga trabahante sa Fishport complex, canning factories ug targeted personalities nga lakip sa A4 priority group o eligible workers.
Sa bahin ni Paris Ayon, acting administrative services division chief sa Philippine Fisheries Development Authority (PFDA). Sa Rural Health Unit (RHU) sa Barangay Tambler himoon ang pagbakuna ug naa sa 500 ka indibidwal matag adlaw sulod sa lima kaadlaw ang takdang bakunahan. Sundon gihapon sa pagbakuna ang priority group sama sa lakip sa frontline health workers, senior citizens ug adult with comorbidities.
Una nang, gisaad ni Secretary Carlito Galvez Jr., National Task Force (NTF) against Covid-19 Chief implementer. Ang pagbubo og bakuna sa siyudad tungod kini ang “high vulnerability” sa pagkatag sa virus. Direkta na usab ang pag-abot sa bakuna gikan sa national government ug dili na moagi sa Department of Health (DOH) 12.
Katapusan sa Agosto nakalabay’ng tuig, gilockdown og upat kaadlaw ang fishport gumikan sa pagsaka sa kaso sa Covid-19. Samtang ang alokasyon nga J & J vaccine ang alang sa senior citizens nga nagduha-duha nga magbakuna ug kadtong tua sa isolated areas. Gihisgotan karon kung kinsa ang makadawat sa 500 vials Sputnik V vaccine nga naabot na sa GenSan. ( Richel Gubalani)
Photo: LGU-Gensan
