MAGSUGOD na sa Setyembre 13, 2021 ang opening sa klase alang sa school year 2021-2022.
Kini ang gikumpirma ni Romelito Flores, DepEd GenSan Schools Division Superintendent nga gipahibalo na sila sa DepEd central office subay usab sa naaprobahan ni Pangulong Duterte nga petsa sa abli sa klase.
Kahibaluan nga usa ang Setyembre 13 sa tulo ka petsa nga girekomenda sa DepEd Secretary ngadto sa Pangulo alang sa opening sa klase.
Dungan niini, gitino ni Flores nga wala gihapoy face to face classes ug magpadayun ang distance learning modality.
Giandam na usab ang mga modules alang sa abli sa klase.
Samtang magpahigayon ang DepEd GenSan og mobile enrollment asa gilaumang masugdan early August, asa aduna gihapoy online enrollment ug pagbutang og enrollment booths sa malls, palengke o bisan sa mga purok ug barangay halls. Samtang may unified simultaneous releasing sa mga school forms nga imando ni Flores sa tanang school heads sugod sa first week sa Agosto.
