PAGPAHIGAYON og ‘mass gathering’ sa kadaghanan ang gitudlong usa sa rason sa ‘surge’ sa kaso Covid-19 nga nasinatian sa GenSan.
Kini ang rason sa pagpahugot pa sa siyudad sa public health ug safety regulations.Lunes sa buntag (Mayo 10) gianunsiyo ni Atty. Arnel Zapatos, city administrator ang pagbalik hugot sa COVID-19 restrictions. Human mitala og taas nga kaso sa virus ang siyudad sa sulod sa lima kaadlaw.
Sa Executive Order (EO) no. 22 gibalik ang pagpatuman sa ‘stay at home Sunday’ home’ o pagbawal sa paggawas sa dili ‘essentials’.
Giawhag sa LGU’s ang tanang ‘religious institution’ nga mahimoong ‘virtual’ ang mga misa. Sarado usab ang mga malls, groceries stores ug mga palengke sa matag adlawa’ng Domingo hangtud Mayo 31 gawas sa pharmacy ug ospital.
Ipatuman sa dakbayan ang ‘liquor ban’ 24 oras samtang gipasayo na ang ‘curfew hour’ gikan alas-10 sa gabii hangtud alas-4 sa kadlawon.
Ipahigayon ang ‘random testing’ sa top 10 barangays sa siyudad nga nakatala og taas nga kaso sa virus.
Gilimitahan usab ang mga motambong ihap sa indibidwal nga motambong sa haya, kasal ug bunyag. Ang dugang ‘restrictions’ tungod sa pagsaka sa ihap sa sa severe ug moderate cases nga naa na sa 6% rason sa pagkulang na mechanical ventilator nga nagatabang sa pasyente aron makaginhawa. Lakip ang pagsaka na sa 89% hospital occupancy alang sa mga Covid-19 patients. ( Richel Gubalani)
