WALAY supak ang General Santos City Chamber of Commerce and Industry Incorporated kun GSCCII sa pag-amenda sa local government code sa GenSan.
Kini ang gibutyag ni Ben Claudio, presidente sa GSCCII human nga ginaduso sa konseho sa syudad ang pag-amenda sa local revenue code tungod halos 26 ka tuig na nga gipatuman.
Gibutyag ni Claudio nga duha ka tuig na ang milabay dihang giduso ang planong amendments apan wala nadayun tungod sa COVID-19.
Hinuon sa karon giangkon niini nga wala pa silay kopya nga gihuptan mao nga dili pa ensaktong makahatag sa iyang komento sa maong hisgutanan.
Apan gibutyag ni Claudio kung aduna may pagtaas sa bayrunon sa buhis, kinahanglang staggered basis ang pagpatuman.
Bahinon matud pa kini, pananglitan sa unang tuig nga pagpatuman kung pila ang iimplementa, ug sa ikaduha hangtud ikatulong tuig aron dili mabug-tanan ang katawhan sa ilang bayrunon.
Rason pa sa nahisgutan nga gumikan wala pa nakabangon ang mga negosyante ug mga katawhan sa epekto sa pandemya ug gikaingon nga 2027 pa makarekober ang ekonomiya.
