GIANGKON karon ni Ben Claudio, presidente sa General Santos City Chamber of Commerce and Industry nga nagpakiluoy na sila sa LGU aron nga ma-extend ang tax relief nga 50 percent sa business tax ug sa real property tax.
Matud ni Claudio, ginaagad nila karon ang proseso nga maoy hinungdan nganong wala naaprobahan sa unang pagduso ni Kagawad Franklin Gacal asa mayorya ang wala mipabor.
Segun ni Claudio, kinahanglan pa daw moagi sa committee hearing ug ilaha matud pa kining hulaton ug tutukan tungod kinahanglanon matud pa kini.
Dakong tabang matud pa ang tax relief sa mga small and medium industry tungod sa kasamtangang dagan sa ekonomiya nga apektado pa sa pandemya.
Nasayran nga lakip gihangyo sa GenSan Chamber ang paghangyo nga ma-extend ang renewal sa business permit nga gi-grant usab sa konseho ug lakip sa gihangyo ang tax amnesty aron nga mas daghang negosyante ang maengganyo sa pagbalik sa pagnegosyo.
