GITINO karon ni Ben Claudio, presidente sa General Santos City Chamber of Commerce and Industry nga dili tinuod ang ‘no vax, no work’ policy.
Matud niini, dili angayang sabton nga word for word ang maong polisiya apan sabot ang giplastar sa DOLE nga kondisyones.
Matud ni Claudio, bisan wala nabakunahan dili mahimong dili pasudlon sa trabaho tungod pwede gihapon makasulod sa trabaho tungod anaa ang work from home.
Mahimo usab nga dili isagol ang dili bakunado ngadto sa ubang trabahante sama sa mga na-assign sa field.
Sa patakaran sa DOLE, ang empleyado nga dili magpabakuna dili mahimong tangtangon, kinahanglan lang mopresenta og negative RT PCR test kada duha ka semana sa pag-abaga mismo sa maong empleyado.
Dugang usab ni Claudio, ang empleyado mahimo usab maka-avail sa sick leave ug vacation leave tungod angayang respetuhon usab ang kultura ug tinuohan sa uban nganong dili sila gustong magpabakuna.
Apan sa gihapon giklaro ni Claudio nga mas maayo gayud ang mabakunahan tungod mas ubos ang risgo matakdan sa virus ug kung matakdan man, dili masulod sa ospital.
