KAPIN gatus na usab ka mga miyembro sa KaBrigadahan GenSan gikan sa 26 ka barangay ang natagaan og tabang sa mga kaubang miyembro.
Atol sa KaBrigadahan GenSan program simulcast sa 89.5 Brigada News FM GenSan, Brigada TV ug FB page, gipadangat ang pagpasalamat ni Idol Brigada Elmer V.Catulpos sa mga miyembro tungod nahimo silang bayani sa ilang isig kaingon.
Pinaagi sa gi-amot nga singko singko natigom ang kapin sa P400,000 nga bahinon usab sa mga nangayo og tabang.
Tulo kanila ang nagrepresenta sa 100 ka mga gitabangan ang mianhi sa sibyahanan aron magpasalamat.
Sila ang kabahin sa nagkinahanglan og mortuary ug hospitalization.
Ang tulo mao silang Jaime Aguirre, taga Barangay Fatima, utility ang asawa nga gihatod sa trabaho, apan nabanggaan og motorsiklo ug gioperahan.
Mao usab si Jordan Araneta, taga Brgy. San Jose nga nabanggaan sa Banisil highway ug kinahanglan nga maoperahan pagbalik aron matangtang ang mga stainless sa duha ka tiil.
Si Lorebel Lomain, namatay ang bana sa aksidente usab sa Sinawal ug kinahanglan usab og tabang.
Ang mga nahisgutan nagpasalamat sa mga miyembro ug sa Brigada sa pamugna sa maong programa.
Gitino ni Idol Brigada Elmer ang ubang salapi naggikan sa halin sa mga produkto sa Brigada nga gi-patronize sa katawhan ingon man serbisyo ug sa mga serbisyo.
