Hindi na kailangang magpresenta ng negatibong RT-PCR test result ang mga turistang fully vaccinated na bibisita sa Boracay Island, simula sa Nov. 16.
Ayon kay Aklan governor Florencio Miraflores, handa na silang buksan ang isla sa mga turista.
Sinabi ni Miraflores na 90% ng tourism workers sa isla at 70% ng buong kumunidad ay fully vaccinated.
Sa ngayon, wala na ring active cases sa isla sa nakalipas na linggo.
Bilang kapalit naman sa negative swab test result, ang mga travellers ay kailangan lang magpakita ng vaccine certificate mula sa VaxCertPH, ang digital vaccine certification system. //MHEL PACIA-TRINIDAD
