Inihayag ni Interior Undersecretary Epimaco Densing III na nakitang epektibo ang ipinapatupad na Alert Level System sa nationwide scale.
Ayon kay Densing, patuloy ang pagbaba ng infections, gumaganda rin ang daily attack rate at health care utilization rates sa pilot implementation ng Alert Level System.
Una nang inanunsyo ng Malacañang na ang Alert Level System ay ipapatupad sa nationwide scale sa gitna ng COVID-19 pandemic simula kahapon, November 12.
Pagbabahagi ni presidential spokesperson Harry Roque, inaprubahan ng Inter-Agency Task Force (IATF) ang nationwide implementation ng Alert Level System sa Regions 1, 8, at 12 simula kahapon, habang sa November 17 naman sa Regions 2, 5, at 9, at November 22 sa Cordillera Administrative Region, Regions 4B, 13, at sa Bangsamoro Autonomous Region in Muslim Mindanao.
Sa ilalim nito, limitado lang ang lockdowns sa mga kumunidad na may mataas na lebel ng COVID-19 transmission. //MHEL PACIA-TRINIDAD
