Ginasulong makara sa Sanguniang Bayan ro pagtao it fuel subsidy sa mga traysikel driver sa banwa it Kalibo.
Ro aprubadong draft resolution ni SB member Augusto Tolentino hay ginpangayo sa idaeom it Land Transportation Franchising and Regulatory Board (LTFRB) ag Department of Transportation (DOTr).
Ro subsidy hay mabahoe nga bulig para sa mga driver kapin pa makara nga sunod-sunod pa ro pagtaas it presyo it petrolyo ag gasolina.
Enkaso nga raya hay mapasa, makabaton it P6,500 nga one-time fuel subsidy ro kada benepisyaryo kara.
Base pa sa datos, ro DOTr ag LTFRB hay nagtalana it P2.5 billion para sa mga qualified PUV drivers sa mga public transportation it nasyun./JIL B. LACSON
