Way swerte nga nabalintong ang forward nga truck nga puno ug karga nga palm oil diha sa may P-12 Sitio Gasa Poblacion ning lungsod sa Trento ning nakalabyang adlaw.
Sa pakig hinabi ning sibyian sa drayber sa truck nga si Allan Cassanova taga barangay Cebolin sakop ning lungsod nga dili lamang kini nga higayon nga nakaagi siya sa maong area nga kargado ang iyang truck, matud pa niini nga humok ang tuo nga bahin sa dalan rason nga na trapo ang atras niining ligid hinungdan sa pagka balintong sa maong sakyanan.
Sa pikas nga bahin, mapasalamaton gihapon ang maong drayber sa labawng makagagahom tungod wala sila nakahi-agom ug mga bun-og uban ang iyang helper.
