Padayon ro pagdagsa it mga foreign ag domestic tourist sa sikat nga getaway attraction sa Malay, Aklan na Borcay Island.
Base sa datos it gobyerno lokal, sa una nga walong buean it dag-on ngara, umabot eun sa 55,184 ro turista nga bumisita sa isla.
Nagapanguna ro mga nasyun nga mga South Korea, United States, United Kingdom, Canada ag Australia sa may pinakamataas nga international inbound market.
Base pa sa datos it Municipal Malay Tourism Office umabot sa 1,110,294 domestic tourists ro nagapadayon sa Boracay Island.
Ro domestic arrival hay tumaas man it haeos tatlong beses kumpara sa 330,622 ku nagtaliwan nga dag-on./JIL B. LACSON
