GIHINGUSGAN ni Mayor Lorelie Pacquiao nga na-organize ug nalipay ang mga tawo nga midagsa sa ‘Sugbahan sa dalan 2022’ nga gihimo sa Pioneer Avenue, kaniadtong Setyembre 3. Tungod nakita niya nga daghan ang misaksi ug mitilaw sa klase-klaseng sinugba nga isda.
Nalipay ang Mayor sa mga tawo nga mitambong kauban ang ilang mga pamilya ug higala. Butyag niini sunod tuig nga Sugbahan sa dalan doble ang himoong pagpangandam ilawom sa iyang liderato aron malipay ang mga tawo nga mosaksi ug mokaon sa isda.
Gipasalamatan ni Mayor Pacquiao ang General Santos City Chamber of Commerce and Industry Inc., mga lokal nga opisyal, lakip ang Festival Organizers ug mga empleyado sa Local Government Unit sa GenSan nga maoy nag-organisa sa gihimong aktibidad. I Enamie Mogpon
