Naghahanda na ang Department of Social Welfare and Development o DSWD para sa full implementation ng Food Stamp Program.
Sa Saturday news forum, ibinahagi ni DSWD Undersecretary Edu Punay, na inaasahang magsisimula ang full implementation ng programa sa buwan ng Hulyo.
Kasalukuyan na raw ang pagha-hire ng mga validators para sa mga areas of implementation.
Kinabibilangan ito ng sampung rehiyon at 21 probinsya, kung saan target ang 300 thousand na pamilya.
Sa ngayon nagsisimula na ang DSWD sa validation at registration ng 300 thousand beneficiaries.
Katuwang ng DSWD sa Food Stamp program ang International Development Agencies, World Food Program, Asian Development Bank.
