San Jose, Antique – Liwan nga nagpatigayon kang relief distribution ang gobyerno probinsyal sa 22 ka mga manugpangisda, nagabaligya kang isda, kag market vendors halin sa 2 ka lokal nga asosasyon nga naapektuhan kang El Niño sa diin ang mga benepisyaryo nga mga miyembro kang Ugyon Dalipenhon Fisherfolks Association (UDFA) ang nagbaton kang 1 box kang relief goods nga ginhiwat sa New Capitol Lobby kahapon nga adlaw, Mayo 20.
Lakip man sa nabuligan ang mga miyembro kang Cebuano Fisherfolks Association of Antique (CFAA) nga apisar indi tumanduk apang nagpangabuhi ron sa probinsya kang malawid nga panahon.
Suno kay UDFA President Maria Connie Yeh, kaangay kang mga mangunguma, apektado man ang parangabuhian kang mga mangingisda kang malawid nga El Niño kag nagataas nga temperatura apang kun ikumpara, sanda ang may magamay nga access sa subsidiya kang gobyerno.
Matandaan nga kang Abril 18 ginpaidalum ang probinsya sa State of Calamity bangud sa El Niño.
Photo: Province of Antique
