Iga saylo sa temporaryon nga relocation site ru mga fish ag meat sections it Kalibo Public Market dahil sa renovation it tindahan.
Sa Committee Hearing it Kalibo Sangguniang Bayan sa Committee of the Whole, gin paabot nga prioridad it LGU-Kalibo pagsaylo it mga fish ag meat vendors it Kalib Public Market.
Target konta sigun nga maging relocation site ru Toting Reyes St. ag Roxas Ave. nga portion it public market.
Gusto ni Kalibo Mayor Juris Sucro ru madasigan nga paghimo agud maka angkon it plastado,mayad-ayad ag mahimis nga public market para sa mga manugbakae.
Nakita sigun ru likod nga portion it Eastern Terminal nga sakop it San Lorenso Drive sa banwa’t Kalibo apang nakataeana nga iga subpinal pa ag pagaestoryahan.
Ru nasambit nga issue hay naka abot eon sa Sangguniang Panlalawigan nga kun isarado ru gin hinyong lugar it LGU particular ru Toting Reyes St., hay naga himo pa it public hearing dahil gina espekta nga abong mga establisimento ru maapektuhan.
Sa makaron, gina hueat pa nanda nga ma amyendahan ru request sa session it SP-Aklan para ma estoryahan sa masunod nga session.//MARIVIC Y. ILIN
