Magapadayon nga uwa it pagbag-o sa pamasahe sa mga bangka nga may ruta nga Caticlan-Boracay it Caticlan Boracay Transport Multi-purpose Cooperative (CBTMPC).
Ro mga numero it pampublikong saeakyan sa Malay ag Boracay Island hay naapektuhan it husto bangud sa mga protcols kuntra sa Covid.
Sa pihak kara, ro boat transport cooperative hay padayon nga naga-operate it andang mga diesel-fed boat.
Ginhambae ni CBTMPC chairman Godofredo Sadiasa nga nagataas nga presyo it diesel ag maintenance it 27 fiber-glass hulled boats pero nadesisyon gihapon sanda nga indi maghimo it adjustment sa pamasahe bangud ginpasugtan eun ro full passenger capacity sa mga bangka sa idaeom it Alert Level 1.
Matandaan ng anag-apply ro CBTMPC it 25% nga pagtaas it pamasahe sa mga bangka halin P40 hasta P50 ku nagtaliwan nga dag-on.
Ku Enero 16, 2022, gin-aprubahan it Maritime Industry Authority (Marina) ro P50 nga regular fare sa mga bangka ag P40 man para sa mga estudyante, senior citizen, ag discount cardholders./JIL B. LACSON
