MALIPAYON ang mga fans sa Gilas Pilipinas sa kadaugan batok sa South Korean National Team sa nagapadayon nga FIBA Asia Cup Qualifiers.
Sumala kay Gensan Sports Division Head Lady Manalo angay lang nga mapasigarbuhon ang mga Pinoy sa kadaugan sa Gilas Pilipinas bisan pa man nga daghan ang nagasulti nga tsamba lang ang kadaugan sa Gilas.
Alang kay Manalo dili tsamba ang kaduha ka higayon nga makadaug, resulta daw kini nga nagkugi sa pagbansay ang national team sa Pilipinas.
Samtang sa kaugalingon nga panglantaw ni Manalo mas advantage nga mga batan-on ang gipadula kaysa sa mga PBA Stars nga aduna nay garbo sa kaugalingon nga estado.
Samtang sa pahayag ni basketball coach Dante Granada nanukad ang tanan sa maayong depensa ug ang depensa nagapanukad sa mga point guards, tungod niini iyang ginadayeg ang Gilas Team nga aduna nay maayong programa ug nabantog na sa Pilipinas ang South Korea sa natad sa basketball.
Kahibaluan nga sa unang dula gipildi sa Gilas ang Korea sa score nga 78-81 samtang sa ikaduhang dula napildi ang Korea sa score nga 77-82 sa pagpanguna ni Dwight Ramos nga adunay 19 puntos. ( Ever Diazon)
