“Dako kaayo ning tabang sa akoa kay kani akong wheelchair gubaon na.” Nagpahid sa iyang luha sa kalipay si Gloria Lenijan, 79 anyos nga taga Purok 20 Mateo Village, benepisyaryo karong adlawa sa KaBrigadahan Gensan.
“Salamat kay gihatagan ko, kay isa ka tuig na gyud ko nag antos sa akong sakit,” dungag pa ni Nanay Gloria.Isa ka tuig na nga dili makalakaw si Nanay Gloria human kalit kini na-stroke tungod sa iyang high blood.
Nakadawat ug brand new nga wheelchair si Nanay Gloria gumikan sa pagpangayog miscellaneous assistance sa iyang anak na si Maria Leni Lenijan sa KaBrigadahan Gensan.
Nagpaabot sad si Nanay Gloria sa iyang pasalamat sa mga miyembro sa KaBrigadahan Gensan nga nagtinabangay arun makatabang sa mga naglisod ug nanginahanglan nga miyembro sa programa.
