Papayagan na ng Gilas Pilipinas ang home court advantage sa nalalapit na February window ng 2023 Fiba World Cup Asian Qualifiers, matapso ianunsyong welcome na ang mga fans na makapasok sa venue.
Kaugnay nito, inanunsyo ng ticketing outfit Ticketnet ng Smart Araneta Coliseum, ang kanilang seat prices para sa lower box at upper box para sa Group A games ng Pilipinas, South Korea, New Zealand, at India.
Kaugnay nito, ang lower box tickets ay ibebenta sa P530, habang ang upper box seats ay nagkakahalaga ng P215, pero ang mga manunuod ay kailangang sumunod sa mahigpit na health protocols na ipapatupad ng venue.
Sa harap nito, tanging ang mga bakunadong indibidwal na may edad 12-taong gulang pataas, ang papayagang makapasok.
Samantala, parehong set up rin ang gagamitin ng PBA para sa 2021-22 Governors’ Cup. //MHEL PACIA-TRINIDAD
