Nagpabiling hapsay ug malinawon ang Davao City sa panahon sa kagabhion luyo nga gitanggal na ang curfew hour ug 24-oras nga liquor ban.
Sumala kang Davao City Police Office (DCPO) Spokesperson Capt. Rosario Aguilar, walay natala nga bisan unsang insedente sulod sa sobra semana gikan sa pagwagtang sa maong mga regulasyon.
Hinoonn gisiguro sa opisyal nga kanunay ang ginahimong pagronda sa mga sakop panahon sa gabie aron masunod ang health protocol ilabi na sa mga sook nga mga barangay sa syudad.
Sa pikas bahin miani og pagsaway ang pagpahamtang og multa sa usa ka pulis ngadto sa usa ka Ginang sa usa ka barangay sa Calinan ng syudad.
Subay sa nadawat nga reklamo sa Brigada News FM-Davao gikan sa maong Ginang, nanghalay lang matud pa siya gawas sa iyang balay niadtong tungura nga wala nakasoot og facemask dihang naatlan siya sa mga nag-roving nga mga pulis.
Gilayon matud pa siya nga gi-ticketan nga dunay tugbang multa balor 500 pesos luyo nga mihangyo kini nga dili lang una pamultahon ug hatagan og tsansa.
Padayon pa kining gisubay aron usab makuha ang pagpaklaro sa pulis nmga nalambigit sa maong insedente.
