NAGA CITY- Kalaboso ang isang 42-anyos na lalaki sa pagbabantang pagpapakalat ng hubad na larawan at video ng kaniyang 22 anyos na ex-girlfriend.
Ikinasa ng mga otoridad partikular na ng Naga at Camarines Sur Cybercrime unit kasama pa ang Naval Forces Southern Luzon ang entrapment operation sa may gate ng Basilica Minore, Barangay Balatas Naga City, nang magkasundong magkikita ang mag ex at idedelete ang mga larawan pero tinatakot ang babae kaya rumisponde ang mga pulis.
Pinusasan ang subject na residente pa ng Magarao, Camarines Sur, sa pamimilit o pagpuwersa pa sa kaniyang ex na makipagbalikan at kung hindi susunod ilalabas ang naturang mga larawan at videos.
Mahaharap ito sa kasong paglabag sa RA 9262 o “Anti-Violence Against Women and Their Children Act of 2004”, pati na rin “Cybercrime Prevention Act of 2012” at RA 11313 “Safe Spaces Act”.
Payo ni Babagay iwasan ang pagvideo sa mga pribadong sandal.
