Nakahunong na sa Roxas City Police Station ang isa ka anay priso matapos nadakpan sa drug buy bust operation sa Barangay Punta Tabuc, Roxas City.
Ginkilala ang suspek kay Mark Delco, 29-anyos kag residente sang nasambit nga lugar.
Narekober sa iya paghinakop kag kontrol ang 6 tanan ka sachets sang ginapatihan shabu, P5,000 nga buy bust money kag isa ka unit sa motorsiklo.
Nahibaluan nga nakuhaan man sadto anay si Delco sang iligal nga armas-luthang sa implementasyon sang search warrant sang kapulisan.
Sa karon, natalana na ini nga pasakaan sang nagakaigo nga panumbungon. | Judy Ann Juare
